الرئيسية » نادى الزمالك » أخبار النادى » الزمالك يرسل خطابًا للجبلاية برفض مواجهة الأهلي في السويس.. ويتمسك ببتروسبورت

الزمالك يرسل خطابًا للجبلاية برفض مواجهة الأهلي في السويس.. ويتمسك ببتروسبورت

أرسل نادي الزمالك خطابا رسميا للاتحاد المصري لكرة القدم، يخبره فيه برفضه تغيير ملعب مباراة القمة أمام النادي الأهلى المقررة السبت المقبل، فى الجولة الأخيرة للدوري الممتاز، والمقررة على ملعب بتروسبورت بالقاهرة الجديدة.

وتمسك نادي الزمالك فى خطابه للجبلاية، باللعب على بتروسبورت، ورفضه نقل المباراة لملعب السويس الجديد، حيث إنه صاحب المباراة ويحق له اختيار الملعب أسوة بما حدث فى لقاء القمة بالدور الأول.

6 تعليقات

  1. لو وافقتوا على اللعب فى اى ملعب غير بتروسبورت ورضختوا يبقى تقدموا استقالتكم فورا لانكم مش أد المسؤليه لان مش عشان انتم مجلس اداره فتتحكموا فى النادى وتتنازلوا عن حقه وكرامته لان ده مش من حقكم ده حق كيان كبير اوى اسمه نادى الزمالك وجماهيره

    — فمش عشان عايزين تعملوا بنط شخصى ومصالح شخصيه وغيره تتنازلوا عن حقوق نادى الزمالك وجماهيره وتفرطوا فيها وتضيعوا هيبه وكرامه النادى

    — وبطلوا نغمه اصل الوطنيه اصل الاستقرار اصل هيبه الدوله لان الوطنيه وهيبه واستقرار الدوله متهزش ولا اتاثر لما الاهلى صمم على نقل مباراته الدور الاول والموسم اللى فات او لما هدد بالانسحاب عشان احمد الشيخ ولما منع لاعب ينضم للمنتخب وغيره كتير

    — فعلى ما اظن يعنى الوطنيه والهيبه والاستقرار على الدوله دى بتبقى على الكل مش على حسب المزاج وما دام متاثرتش لما المنافس عمل كل ده يبقى المفترض متتاثرش لما احنا كمان نعمل كده

    — فبطلوا بقى تبرير ضعفكم والرضوخ لمصالحكم الشخصيه وغيره انهم وطنيه وحفاظ على هيبه الدوله واستقرارها لانها بقت اسطوانه مشروخه وبقت مفضوحه

    — لانكم اثبتوا انكم مجلس اداره ضعيف ميستأمنش على كيان كبير اسمه الزمالك ولا تقدرا تحافظوا على حقوقه وهيبته وكرامته وانكم متختلفوش عن اللى قبلكم بل اكتر منهم لانكم بتدوروا على مصالح شخصيه والقاب شخصيه على حساب نادى الزمالك وجماهيره وحقوقه وكرامته

    — فلو رضختوا تبقى تقدموا استقالتكم لو بجد عندكم كرامه ومنسمعش منكم بقى انكم انتم الحامى والدرع وانتم وانتم لانكم طلعتوا بوق على الفاضى وبتداروا ده وتبرروا فى نغمه واسطوانه الوطنيه والحفاظ على مصر وهيبتها واستقرارها لان اللى ميقدرش واللى مبيهمهوش الحفاظ على حقوق وهيبه واستقرار ناديه استحاله يقدر او يهموا الحفاظ على حقوق وهيبه واستقرار مصر

  2. بعد ماقلنابقى للزمالك سيف ودرع يحابى على الزمالك ويحميه من بطش اتحاد المهلبيه اصبح يرضخ الى كل قرار صادر من اتحاد هاله وقلنا كثيرا ان مرتضى منصور هو اسد الزمالك وقلنا جميعا نحن ورائك الان اصبح الاسد لا يهش ولا ينش واخيرا لك الله يزمالك انت وجمهورك حتى ياتى رجل قوى لايهمه الا الله ولا يخشى الا الله لان العبد تراب

    وربنا يلطف بينا

  3. #بتروسبورت_او_الانسحاب

    — من الاخر اما التمسك بحق الزمالك يا اما التقدم بالاستقاله مفيش حاجه تانيه ومفيش حاجه اسمها فلان او علان اتكلم او دى دواعى امنيه او حرصا على هيبه واستقرار وامن البلد لان ملهاش علاقه

    ,, لان الهيبه والاستقرار وامن البلد مش هيتأثروا لما الزمالك ياخد حقه ويصمم على حقه زى كده ما الهيبه والاستقرار وامن البلد متأثرش لما الاهلى فى الدور الاول والموسم اللى فات وفى مشكله احمد الشيخ وفى ازمه اللاعب رمضان صبحى مع المنتخب قعد يقول حقى ومعرفش ايه

    ,,, لان على ما اظن الهيبه والاستقرار والامن ثابتين للكل وعلى الكل مش على حد وحد لا ولحد ولحد لا

    — فالتمسك بالحق او الانسحاب ده اللى هيرضينا اكتر من الفوز واى حاجه تانيه

    — وان عدم الانسحاب حتى لو فزنا فما بالنا كمان لو خسرنا قرار مش بس هيزعل وضد جماهير الزمالك ده حتى كيان وتاريخ الزمالك

    — ده غير فى حق مجلس الاداره اللى هيتكتب فى التاريخ انهم اتنازلوا عن حق الزمالك فى تحديد ملعبه ولعب زى ما الخصم عايز وبيلعب لصالح الخصم

    — او بمعنى اصح بندى لافعال المنافس وكل حد بيساعده قانونيه وشرعيه للى بيعمله وبنعلى منهم كمان على حساب حقنا وكرامتنا وهيبتنا

    — ده غير هيبه مجلس الاداره اللى كل شويه بتتراجع للاسف

    — وحق الزمالك ضايع فى تحديد الملعب ابسط حقوقه زى حق الزمالك ما ضاع فى الدورى بسبب الحكام واتحاد الكوره والمسابقات وكله وللاسف برضوا بايدينا احنا لاننا سكتنا عن حقنا فبالتالى ادناله قانونيه وشرعيه اللى بيعملوا على حسنا وحسابنا

    — وعلى فكره حقنا هو اللعب على ملعبنا وموافقتنا على تغيره معناه تنازل عن حقنا

    — وعلى فكره برضوا المنافس رغبته هو عدم اللعب فى ملعبك ومش مهم يلعب فى ملعب ايه ان شاء الله فى المريخ لكن رغبته هو عدم اللعب فى ملعبنا وده اللى حصل

    — يعنى اللى حصل ان نادينا متنفذش حقه والمنافس اتنفذ رغبته

    — يعنى الحق معانا ومتنفذش واتنازلنا عنه بكل سهوله وفى المقابل المنافس اللى مش من حقه حاجه لكن اتنفذله رغبته وهيا عدم اللعب فى بتروسبورت

    — فخلى بالكم التاريخ مش بيرحم

  4. الاهلى أقوى من دولة مصر الضعيفه

  5. بص يا أستاذ مرتضى انا عضو فى الجمعية العمومية لنادى الزمالك منذ 20 عاما واشجع الزمالك منذ 42 عاما .. وأعتقد انه يجب ان تتخذ موقفا واحدا ونصر عليه مهما كانت النتائج .. عدم اللعب فى اى استاد بخلاف بترو سبورت.. واى زملكاوى سيؤيدك تماما ارجوك لا تتراجع ولو لمرة واحدة فى حياتك

    • انا مؤيد لكل الردود دى ان الزمالك لابد ان يصر على اللعب على ستاد بتروسبورت طالما انه حقة ومن يتنازل عن حقة يفعل به ما هو مباح وغير مباح

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

فيديو | مرتضي منصور يمنح الطفل احمد حمدي المصاب بالسرطان العضوية الشرفية لنادي الزمالك